umræður á villigötum

mér verður betur ljóst með hverjum degi sem líður hversu ómálefnaleg umræða á netinu er. ekki get ég sagt að svo sé um allar umræður en þó er svo um það sem heitir "heitar umræður" á bolg.is

þar skrifa menn og birta sínar skoðanir um þjóðfélagsmál og fréttir ýmsar um tengd málefni. oftar en ekki eru athugasemdir fólks á þá leið að "kúka" yfir viðkomandi sem skrifar greinina eða lýsa vandlæti á stjórnmálaskoðunum viðkomandi greinarhöfunds. fæstar athugasemdir tækla boltann en flestar manninn! þetta þykir mér leiðinlegt og hrekur mann frá að taka þátt. ég er ekki yfir það hafinn að taka þátt í þessum umræðum en forðast það í lengstu lög vegna þess að með þátttöku er ég að eyða tíma í þras og þrætur sem ég tel að skili engum árangri í átt að málefnalegri umræðu.

öll erum við fífl og fávitar. það vita sumir en aðrir ekki. þeir sem þessu mótmæla eru þá fífl og fávitar en hinir ekki? gaman væri að þau sem taka þátt í þessum umræðum væru meðvituð um mikilvægi þess að vanda skuli til verka. það er gagnslaust að taka menn og konur af lífi í orði. það skilar betri árangri að fjalla um málefni og menn án skítkasts, punktur.

lifið heil, lengi!