2011

verður mitt 44. ár. þau hafa öll sömul hvert fyrir sig verið skemmtileg, leiðinleg, falleg og ljót. og það sem meira er að þau hafa öll liðið jafn hratt. krakkarnir eru samtals 24 ára en maður mælir það ekki víst svoleiðis. ég er búinn að ákveða það að verða 88 ára gamall þannig að þetta ferðalag er hálfnað. líklega þá verða næstu 44 ár ekki ósvipuð þeim fyrri. skemmtieg, leiðinleg, falleg og ljót. þau munu öll líða jafn hratt. mér finnst gott að vita að árið sé hringur. ég get gengið að því vísu hvernig vikurnar koma hver á fætur annarri. ótal dagar hafa liðið á sama hátt og svo mun einnig verða um ókomna daga. sú reynsla sem ég hef öðlast segir mér að "impossible is nothing" og að ég megi búast við því sama á næstu 44 árum. það eina sem getur komið í veg fyrir að þetta verði svona er að ég detti niður dauður fyrr en vonir standa til. en líklega er lífið skemmtilegt af þessarri ástæðu, að þrátt fyrir að vita allt þá veit maður ekki neitt.

lifið heil, lengi!

Athugasemdir

[Brattur, 1.1.2011 kl. 02:22]

Flott skrif... best er að vita sem minnst... gleðilegt ár !

[Þór Ómar Jónsson, 6.1.2011 kl. 23:11]

takk fyrir það og sömuleiðis! hef mjög gaman af blogginu þínu.